Cebuano news: Presidente Aquino mimando sa mga awtorisadong ahensya nga makig-alayon sa COMELEC sa pagseguro sa malinawon nga piniliay sa Barangay ug SK

Ni Nida Grace B. Tranquilan

MANILA, Hulyo 31 (PIA) – Si Presidente Benigno S. Aquino III mimando sa mga ahensyang tigpahamtang sa balaod ug laing mga ahensya nga dunay kalambigitan nga makig-alayon ug mokooperar sa Commission on Election (COMELEC) sa pagseguro sa gawasnon, hapsay, ligdong, malinawon ug katohuan nga gidungan nga piniliay sa Barangay ug Sangguniang Kabataan (SK) sa Oktubre 28.

Sumala pa sa taho, ang deriktiba gipagawas ubos sa kaligdong sa Memorandum Order numero 56 nga gilagdaan ni Secretary Paquito N. Ochoa Jr. niadtong Hulyo 23.

Ang COMELEC, pinaage sa Resolusyon Numero 9731 (s.2013), mipalig-on sa pag-hangyo sa consensus ni Presidente sa pagpadala sa mga Armadong Kusog sa Pilipinas (Armed Forces of the Philippines), Philippine National Police (PNP), ug uban pang awtorisadong ahensya, pagkonekta sa gidungan nga piniliay sa Barangay ug Sangguniang Kabataan.

“Pinasubay sa Section 2(4), Artikulo IX-C sa Konstitusyon, ang COMELEC dunay gahum sa pag-deputize, uban sa kasabutan sa Presidente, mga ahensya nga tigpahamtang sa balaod ug mga instrumentalites sa gobyerno, lakip na ang Armadong Kusog sa Pilipinas, sa ekslusibong katuyoan nga maseguro ang gawasnon, hapsay, ligdong, malinawon ug katohuan nga gidungan nga piniliay,” ("Pursuant to Section 2 (4), Article IX-C of the Constitution, the Comelec is empowered to deputize, with the concurrence of the President, law enforcement agencies and instrumentalities of the Government, including the Armed Forces of the Philippines, for the exclusive purpose of ensuring free, orderly, honest, peaceful, and credible elections,") kini sumala pa sa nahitala memorandum.

Ang Chief Executive miuyon sa COMELEC Resolution No. 9731, nga mi-deputize sa AFP, PNP ug uban pang tigpahamtang sa balaod nga mga ahensiya, sa pag asister sa COMELEC nga maseguro ang gawasnon, hapsay, ligdong, malinawon ug katohuan ang pagpahigayon sa piniliay sa Oktubre.

Kani nga nga kamanduan sumala pa sa taho, gilayon i-emposar na. (NGBT/PND/PIA Surigao del Sur)