Cebuano news: DSWD migahin P12.7-M pondo sa emerhensiyang paghumpay alang sa mga biktima sa baha sa Mindanao

Ni Nida Grace B. Tranquilan

MANILA, Hulyo 31 (PIA) - Ang Department of Social Welfare and Development (DSWD) migahin ug P12.7 milyones kantidad nga pondo alang sa emerhensiyang pagpahumpay sa mga biktima sa baha nga miigo sa Mindanao gumikan sa kusog nga ulan, kini ang gibutyag nga pamahayag sa Malakanyang niadtong Martes.

Sa usa ka press-briefing nga gipahigayon didto sa Malakanyang, si Deputy Spokesperson Abigail Valte miingon nga ang DSWD usab mihimo na ug pakig-alayon sa lokal nga panggamhanan kaabag sa Mindanao sa pagdugang sa technical assistance and resource augmentation (TARA) nga gikinahanglan sa mga biktima.

Sumala pa sa taho nga ang kusog nga ulan nga mibuhos sa mga probinsiya sa Maguindanao, Sultan Kudarat ug Cotabato City bag-ohay pa lamang ug miresulta sa baha ug hinungdan sa pagpamakwit mokabat sa gibanabana nga 50,000 ka mga residente gikan sa ilahang tagsa tagsa ka mga panimalay.

“Sumala sa impormasyon namo, nga ang bando sa DSWD nakig-alayon na sa ilahang mga kaabag sa lokal nga panggamhanan sa mga unsang paghangyo alang sa teknikal nga hinabang ug pundo dugang kon ginatawag nga TARA,” (“The information that we have is that all DSWD teams are already in close coordination with their local counterparts for any request for technical assistance and resource augmentation or what we call the TARA,”), sulti ni Valte.

“Ang DSWD duna nay pangdugtongan nga P12.7 milyones kantidad sa emerhensiyang pagpahumpay nga pundo sinakop sa standby funds, family food packs ug uban pang mga gi-itemang mga pagkaon ug dili- pagkaon nga butang,” (“The DSWD has already prepositioned P12.70-million worth of emergency relief resources consisting of standby funds, of family food packs, and other food items and other non-food items,”) dugang pa niya.

Si Valte mitumbok sa nasyonal nga panggamhanan nga milihok na isip pagdugang sa DSWD ug lokal nga panggamhanan sa pag-andam ug dugang nga mga pagkaon nga gibangan kon “food packs” alang sa mga residente sa apektadong lugar.

“Ang nasyonal nga panggamhanan miandam sa pagdugang ug 6,000 ka mga pagkaon nga gibangan kon “food packs” alang sa DSWD-ARMM ug si DSWD Secretary Dinky Soliman nitugot sa pag pagawas sa dugang 30,000 ka mga pagkaon ng gibangan alang sa Maguindanao ug sa Sarangani,” (“The national government has provided an augmentation of 6,000 food packs for DSWD-ARMM (Autonomous Region in Muslim Mindanao) and that DSWD Secretary Dinky Soliman has approved the release of additional 30,000 food packs for Maguindanao and for Sarangani,”) sumala pa ni Valte. (NGBT/ PND/PIA-Surigao del Sur)